Սրտի առողջությունը պահպանող սնունդ կամ որտեղի՞ց ձեռք բերել Օմեգա-3 ճարպաթթուներ

Ձուկը և ձկան յուղը հիանալի միջոց են Օմեգա-3-ի ընդունումը մեծացնելու և սրտի առողջությունը ամրապնդելու համար: Այնուամենայնիվ, հնարավոր է, որ դուք ալերգիա ունեք ձկան նկատմամբ, հետևում եք բուսակերական կամ վեգանական սննդակարգի կամ պարզապես չեք սիրում ձկան յուղի հավելումներ ընդունել: Մի՛ անհանգստացեք. այս հոդվածում մենք ներառել ենք մի քանի խորհուրդներ, որոնք կօգնեն ձեզ ձեր սննդակարգում ներառել սրտի համար օգտակար Օմեգա-3 բազմաչհագեցած ճարպաթթուներ, նույնիսկ եթե ձեր սննդակարգում ձկան յուղը չի մտնում ձեր օրական կերակուրի մեջ։

Ի՞նչ են Օմեգա-3 ճարպաթթուները և ի՞նչ օգուտներ ունեն դրանք

Օմեգա-3 ճարպաթթուները համարվում են օգտակար ճարպեր, որոնք կարևոր են սրտանոթային առողջության և նյութափոխանակության համար։ Դրանք նաև օգտակար են բջիջների, մարմնի մի շարք համակարգերի և օրգանների, այդ թվում՝ սրտի, հոդերի, ուղեղի և աչքերի առողջությունը պահպանելու համար։

Երեք հիմնական Օմեգա-3 ճարպաթթուներն են՝

• Ալֆա-լինոլենաթթու (ԱԼԹ);
• Էյկոզապենտաենաթթու (ԷՊԹ);
• Դոկոզահեքսաենաթթու (ԴՀԹ):

Դժբախտաբար, մարդու օրգանիզմը ինքնուրույն Օմեգա-3 չի արտադրում, ուստի մեզ համար չափազանց կարևոր է այս ճարպաթթուները ներառել մեր ամենօրյա սննդում՝ ձկան և ծովամթերքի տեսքով, կամ ստանալ դրանք այլ աղբյուրներից։

Եթե ոչ ձուկ, ապա ի՞նչ։ Օմեգա-3 ճարպաթթուների այլ աղբյուրներ։

Ձկից և ձկան յուղից բացի, շատ սննդամթերքներ հարուստ են Օմեգա-3-ով, այդ թվում՝

• Ընկույզ
• Կտավատի յուղ
• Կտավատի սերմեր
• Չիա սերմեր
• Սոյայի յուղ
• Կանոլայի յուղ
• Էդամամե սոյա։

Այս բոլոր սննդամթերքները հարուստ են ալֆա-լինոլենաթթվով, իսկ մեր օրգանիզմը որոշ չափով կարողանում է ԱԼԹ-ն վերածել ԷՊԹ-ի և ԴՀԹ-ի, թեև ոչ շատ արդյունավետ։ Հետևաբար, ԷՊԹ-ի և ԴՀԹ-ի նախընտրելի աղբյուրը միևնույնն է, մնում է վայրի յուղալի ձուկը (սկումբրիա, ծովատառեխ, անչոուս և սարդինաձուկ) և ծովամթերքը։

Շատ մասնագետներ, այդ թվում՝ Ամերիկյան սրտի ասոցիացիան, խորհուրդ են տալիս շաբաթական 1-2 անգամ ձուկ ուտել¹։

Ընդ որում, բացի ձեր օրական սննդին Օմեգա-3 պարունակող սնունդ ավելացնելուց, կարող եք նաև մտածել այս անփոխարինելի ճարպաթթուները պարունակող սննդային հավելումներ ընդունելու հնարավորության մասին։

Օմեգա-3-ով հավելումներ նրանց համար, ովքեր չեն սիրում ձկան յուղ

Ձկան յուղի փոխարինո՞ղ եք փնտրում, որն ունի նմանատիպ հատկություններ, բայց առանց ձկան համի: Nature’s Bounty մասնագիտական ​​վիտամինային ապրանքանիշի տեսականին ներառում է Օմեգա-3-ով արտադրանքի լայն շարք, որոնք, ի տարբերություն սովորական ձկան յուղի, չունեն տհաճ հոտ կամ ձկան հետհամ:

Օրինակ՝ «Ձկան յուղ 1000 մգ Օմեգա-3» փափուկ ժելատինե պարկուճներն ունեն հատուկ ծածկույթ, որի շնորհիվ դրանք ընդունելիս բացակայում է ձկան յուրահատուկ հոտը և հետհամը։ Արտադրանքի օրական դեղաչափը 900 մգ Օմեգա-3 ԲՉՃԹ է, որը կատարյալ է ամենօրյա օգտագործման համար՝ սրտի առողջությունը և բջջային էներգիան պահպանելու համար։

Իսկ եթե դժվարանում եք կուլ տալ մեծ պարկուճներ, ուշադրություն դարձրեք «Օմեգա-3 900 մգ» արտադրանքին, որի պարկուճները 35%-ով փոքր են սովորական «Օմեգա-3» պարկուճներից: «Օմեգա-3 900 մգ»-ի յուրաքանչյուր պարկուճ պատված է հատուկ անփայլ թաղանթով, որի ընդունումը դժվարություններ չի առաջացնի կուլ տալու ժամանակ:

Սրտի առողջության համար այլ հավելումներ

Առողջ սննդակարգի, ֆիզիկական վարժությունների և կենսակերպի այլ փոփոխությունների հետ մեկտեղ, բավարար քանակությամբ Օմեգա-3 ճարպաթթուների ընդունումը սրտի առողջությունը պահպանելու միջոցներից մեկն է, բայց ոչ միակը․

• Co Q-10: Կոէնզիմ Q-10-ը (Co Q-10) սննդանյութ է, որը գործում է որպես կարևոր հակաօքսիդանտ և աջակցում է սրտանոթային համակարգի առողջությանը: Nature’s Bounty-ի «Կոէնզիմ Q-10 100 մգ»-ը հասանելի է փոքր չափի պարկուճներով, որոնք ունեն բարձր պահպանվածություն և կենսամատչելիություն բրնձի թեփի յուղի հիմքի ու անթափանց ժելատինե թաղանթի շնորհիվ: Սա անհրաժեշտ սննդանյութ է ուժն ու էներգիան լրացնելու համար:
• Մագնեզիում։ Այս հանքանյութը նպաստում է սրտի ռիթմի կարգավորմանը, ինչպես նաև արյան ճնշման և արյան մեջ շաքարի մակարդակի իջեցմանը։ Nature’s Bounty-ի «Մագնեզիում 500 մգ» արտադրանքը մագնեզիումի լրացուցիչ աղբյուր է՝ մեկ դեղահաբում հանքանյութի ամենաբարձր տեսակարար կշռով (համեմատած ապրանքանիշի այլ արտադրանքների հետ)։ Արտադրանքն օպտիմալ է ստամոքսի նորմալ և բարձր թթվայնության դեպքում, քանի որ ներկայացված է մագնեզիումի օքսիդի տեսքով։

Սրտի առողջությունը առաջնային է

Չնայած ձուկը և ձկան յուղը հիանալի միջոց են սրտանոթային համակարգի առողջությունը պահպանելու համար, կան Օմեգա-3 ստանալու բազմաթիվ այլ եղանակներ՝ թե՛ այլ սննդամթերքներից, թե՛ կենսաբանորեն ակտիվ հավելումների միջոցով:

Nature’s Bounty մասնագիտական ​​վիտամինային ապրանքանիշը ստեղծված է նրա համար, որ ձեզ ուղեկցի ձեր կյանքի յուրաքանչյուր փուլում: Մեր կայքի հատուկ բաժնում ծանոթացեք ապրանքանիշի արտադրանքի տեսականու հետ՝ սրտի առողջությունը պահպանելու և ամրապնդելու համար:

Օգտակար հղումներ՝

1. https://pubmed.ncbi.nlm.nih.gov/29773586/